يعني ايه جرافيك ديزاين ؟

 يعني ايه جرافيك ديزاين ؟

تعالى وانا اقلك grin emoticon

الجرافيك ديزاين فى العموم مش بس تصميم جميل او ان هو بيخلى كل حاجة جميلة وخلاص
الجرافيك ديزاين مهمتة الاساسية هى الابداع فى حل المشاكل grin emoticon
ايون احنا بنحل مشاكل

والمشاكل دى مقصود بيها الهدف من التصميم نفسة

يعنى مثلا عميل عاوز تصميم لمنتج علشان المنتج دا تصميمة اى كلام ومبيعاتة قليلة فتبداء حضرتك تعمل تصميم ذكى يخطف المشترى بالتالى تحل مشكلة العميل وتزود مبيعات المنتج ودى حتى بنحسها احنا اول ما تيجى تشترى منتج جديد اول حاجة بتشوف تصميمة لو ذكى وكويس علطول بتشترية حتى بدون ما تجربة

اما الجرافيك ديزاين بلغتنا احنا هو عبارة كدا عن تواصل بصرى
حب من اول نظرة grin emoticon
تواصل بصرى بقى فى كل اشكالة مطبوع موقع الكترونى فيديو كل الحاجات دى
واهم حاجة بتميز الجرافيك ديزاين ان هو بيحتوى على رسالة والرسالة دى ممكن تكون تعريف الناس ببراند معين او تسويق منتج او توصيل فكرة عن شئ ما للجمهور

الديزاين نفسة ممكن يكون بيتكون من تيكست او صور او الاتنين مع بعض او مجموعة من الطبقات الى بنسميها ليرات والى بيكونو كلهم فى الاخر بالظبط زى قطع ال puzzle

لو قطعة واحدة بس مش موجودة التصميم ما يكملش

ودى اول مشكلة بيقع فيها كتير
انك تشتغل بدون خطة وبدون فكرة بالتالى قطع ال puzzle ما تكملش فمايبقاش فية تصميم
خالى من الرسالة خالى من الفكرة ومافيش تواصل بينى وبين التصميم

علشان كدا بنقول ان الجرافيك ديزاين مش بس تصميم جميل
لازم كمان يحتوى على رسالة وفكرة ولية هدف ..... 

فى انتظار تعليقاتكم ...