ازاي اخلي التصميم مريح للعين

ازاى اخلى التصميم مريح للعين ؟؟

ازاى اخلى التصميم مريح للعين ؟؟
ويحصل حالة حب وفهم من اول نظرة كدا grin emoticon

عليك بخمس خطوات مهمين جداا

١: تنظيم المعلومات فى التصميم 

مثلا بنعمل تصميم لافتتاح معرض فلو جينا كتبنا النص كدا

٠١١٥٩٢٧٦٦٢٩
عين شمس _ القاهرة
وذالك يوم السبت الساعة ٣ عصرا
سيتم بمشيئة الله تعالى افتتاح معرض زيكا

لو لقيت اعلان مكتوب بالطريقة دى ونفس الترتيب كدا هتقول اية الاعلان الغبى دا
ترتيب وتنظيم البيانات خلى دماغك تتشتت وعينك حاسة ان فى حاجة غلط
لكن لو المعلومات اتنظمت صح هتلاقى عينك مرتاحة ومن اول كلمة الاعلان اتفهم

٢: المحاذاة بمعنى ما تبقاش حاجة فى الشرق وحاجة فى الغرب وسمك لبن تمر هندى 
يعنى لو عندك مربعات كتير مثلا ومش مترتبين ومتوزعين عشوائى فالعين مش مرتاحة للكلام دا 
اما لما ترتب المربعات جنب بعض او تحت بعض بطريقة كويسة العين هترتاح وهى بتشوفة وتحس ان كل طبيعية 
حتى الكلام لما نيجى نكتب لازم نركز ان كل الكلام محازى بعضة وفى بينهم انسجام grin emoticon

٣: الايقاع العام للتصميم والاختلاف والتخطيط

اية الكلام دا grin emoticon

يعنى بكل بساطة الحاجة المهمة تظهر وتختلف
العنوان مثلا يهمنى انى اعرف الناس ان فى افتتاح معرض فممكن استخدم خط بولد مثلا او خط مختلف عن الى استخدمتة فى باقى الداتا ويكون مختلف ويجذب الانتباه
ممكن تختلف باختلاف الوان الكلام واظهار الهام
بحيث انك تسلط الضوء على شئ معين العين اول ما تشوفة تنجذب وتفهم الاعلان بسرعة

٤: استخدام المساحة البيضاء

فى جملة مشهورة
التصميم بيتنفس من المساحة البيضاء الى هى الفراغ طبعا
ممكن تستغل الفراغ الى عندك استخدامات ذكية جدا الى بيسموها النيجتف سبيس جزء ايجابى تقدر تستغلة صح

زى لوجو مثلاFedEx
شوف الفراغ الى بين اخر حرفين هتفهم كلامى

ولو مش هتستغلها كدا خلى التصميم يتنفس منها

وزع عناصرك ورتب كويس واعمل محاذاة بين الليرات بشكل كويس هتلاقى الجزء الفاضى خلى التصميم شيك اكتر

٥: الالوان 

اعرف حاجة اسمها المدلول والسيكولوجية كل لون 

واعرف كل لون بيخليك تحس باية
واعرف الفرق بين الالوان السخنة والالوان الباردة
وهتلاقى مقالات كتير عنها

لو عرفت دول هتلاقى نفسك بتنفذ تصميم شيك ومريح للعين